لكن آش يصلح؟
[caption id="attachment_332" align="alignnone" width="300" caption="شعار الحزب و موقعه"]
[/caption]السّاعة كيف ما تشوفو شعارنا واضح و صريح. لكن الأهم هو موقعنا الرّسمي الوحيد، مطبوع في الرّائد الرّسمي الى الأبد. المواقع الأخرى الكلّ موش تابعتنا.. واضح؟
[caption id="attachment_333" align="alignnone" width="298" caption="قراصنة معروفين"]
[/caption]الحاجة الثّانية، كيف ما تشوفو فمّة قائمة متاع قراصنة معروفين و ضامنين في بعضهم و توّة تلقاو تصاورهم في الموقع. علاش هذا الكل؟ كيف ما تعرفو، احنا قراصنة ما عندناش عروفات و ناخذو القرارات الكلّ بالتصويت العام عبر الأنترنات. و بالتّالي يولّي التثبّت من هويّة كل قرصان مهمّة. بالعربي يلزمنا نثبّتو الّي كلّ عبد عنده كونت مايل واحد على السيستام باش ما يصوّتش مرّتين. و لذلك عندنا منظومة ثقة تتطلّب أن الأعضاء المعروفة تأكّد هويّة الأعضاء المش معروفة بمقابلتهم شخصيّا في الفضاء المش أفتراضي و هكّاكه يولّيو بدورهم أعضاء معروفين. بالطّبيعة المنظومة هذه يلزمها تبدأ ببذرة الّي هي عصبة من الأعضاء الّي تعطي فيهم الثقة. وهذاك دور الأععضاء المؤسّسين. هاهوكم مطبوعين في الرّائد الرّسمي.
موضع التثبّت من الهويّة توّة نزيدو نتعمّقو فيه المرّة الجايّة